Ch'ellu si n'è corsu maghju
DO / FA / SOL
Sarà più d'una simana ;
DO / LA min / FA / SOL / DO
Approntati, o capraghju !
LA min / MI min
A' lascià piaghja è calmana
LA min / MI min
Ch'ai da fà l'altu viaghju
FA / SOL
Dopu ghjuntu in Barghjiana
FA / DO

Avvedeci, o Falasorma !
Cù i parenti è l'amichi
Sempre liati à Niolu
Per e gioie è i castichi ;
Da Montestremu à u mare
Avemu listessi antichi.

Sbuccarè in Caprunale
Guardendu da altu à bassu
Supranendune à O'mita
E' a funtana di u Tassu
Basgiati a croce nova
Chi a vechja ùn s'hè più trova.

Eccu a Mirindatughja,
Ti riposa di a cullata
Ma fà casu à a capra
Ch'ella ùn si sia sbandata
Se tù voli esse in Pùscaghja
Tranquillu pè a nuttata.

Dumane, à tempu ghjornu.
(A cunosci quessa, a scola)
Crisciaranu e fatiche
Nanzu d'esse in Bagnarola.
Di scopre a valle di Tuda
Tutt'ogn'unu si cunsola.

Dopu sò i radi à Noce :
Bassighjendu à e Pratelle
T'avviarè più sicuru
Verdi l'acqua di e Castelle
Nanzu d'esse à u Muricciolu
Sarà croscia a to pelle

Eccuti nu a Spilonca,
Custi a banda si punta
Indu a mandria è aspetta
Chi hà bisognu d'esse munta.
A datti un colpu di manu
A to ghjente sarà ghjunta.

U terzu ghjornu à la mane
Ti n'andarè vulinteri
In Sesta o Petra Pinzuta,
Biccarellu o à Tileri ;
Più che mai ghjunghjaranu
A' l'abbordu i fristeri

Avà chi ai righjuntu
Di l'istate u rughjone
Di tantu in tantu in paese
Affaccati à l'occasione
Poi ùn mancà a to festa
A mane di Sant'Antone